सूचना तथा समाचार

समाचार

Pages

SEE परिक्षामा उच्चतम GPA ल्याउन सफल ५ उत्कृस्ट बिद्यार्थीहरुलाई छात्रवृत्ति वितरण |

गोकुलगंगा गाउँपालिका अन्तर्गत रहेका माध्यमिक बिद्यालयबाट २०७५ सालमा दिइएको SEE परिक्षामा उच्चतम GPA ल्याउनुहुने उत्कृस्ट ५ बिद्यार्थीहरुलाई छात्रवृत्ति स्वरूप जनही रु.१, ०००००/- (अक्षेरुपी एक लाख रुपैयाँ) का दरले गाउँपालिका अध्यक्ष, उपाध्यक्ष, प्रमुख प्रशासकीय अधिकृत र वडा अध्यक्ष् ज्युहरुबाट छात्रवृत्ति बितरण गर्नु भएको छ | गोकुलगंगा गाउँपालिकाद्वरा आयोजित छात्रबृत्ति वितरण कार्यक्रममा गाउँपालिकाद्वरा संचालित गाउँपालिका स्तरीय क्रमश कक्षा ५ र कक्षा ८ को परिक्षामा उत्कृस्ट हुने ६ जना बिद्यार्थीहरुलाई जनही रु.५०, ०००/- (अक्षेरुपी पचास हजार रुपैयाँ)का दरले छात्रवृत्ति बितरण गरियो |

SEE तर्फ उत्कृस्ट हुने बिद्यार्थीहरु क्रमश :

१. बिशु खड्का - कमलादेवी मा.बि. नामाडी (GPA-३.७)

२. निति घिमिरे - जनजागृत मा.बि. बेताली (GPA-३.६)

३. सम्दावा शेर्पा- सारदा मा.बि. ठोसे (GPA-३.५)

४. अरुण घिमिरे-जनजागृत मा.बि. बेताली (GPA-३.५)

५. निशा घिमिरे-जनजागृत मा.बि. बेताली (GPA-३.४)

६. सुनिमा खड्का - कमलादेवी मा.बि. नामाडी (GPA-३.४)

कक्षा ८ तर्फ उत्कृस्ट हुने बिद्यार्थीहरु क्रमश :

१. मनिषा खड्का - कमलादेवी मा.बि. नामाडी (प्रथम)

२. आयुषा भण्डारी - जनजागृत मा.वि. बेताली (दितीय)

३. रुपक कार्की - जनजागृत मा.वि. बेताली (तृतीय)

कक्षा ५ तर्फ उत्कृस्ट हुने बिद्यार्थीहरु क्रमश :

१. सुजन खड्का - भारती आधारभूत बिद्यालय फर्पु (प्रथम)

२. सुजना भण्डारी - जनजागृत मा.बि. बेताली (दितीय)

३. सन्दिप उर्कुटि - जनजागृत मा.बि. बेताली (तृतीय)

पशुपन्क्षि र मत्स्य बिमा सम्बन्धि अन्तरक्रिया कार्यक्रममा सहभागी हुने बारेको सूचना |

जानकारी सम्बन्धमा(सबै वडा कार्यालय)

गोकुलगंगा गाउँपालिकाको आ.व. २०७६/७७ को महत्वपूर्ण बजेट सारांश

सशर्त र चालु भन्दा विकास खर्च ठुलो |
६ वटा वडा भवन (एउटै नक्सामा) |
साहरा नभएका बृद्हरुलाई लत्ताकपडा, खाधन्न वितरण गर्ने |
कृषि पकेटक्षेत्रलाई २ करोड ३६ लाख |
सबै वडा भित्रका ५/५ जना बिपन्न छनौट गरी ब्यबसाय गर्न अनुदान सहयोग दिने |
कृषि तथा पशुपन्छी विकास बोर्ड गठन तथा संचालन |
साना उधोग ( डल्ले साबुन, ससेज, वाइन, जुस, लोकल कुखुरा, कालिज, अगरबत्ती, बंगुरको पाठा वितरण )
नर्स, वन(फोरेस्टी), होटल म्यानेजमेन्ट, अमिन, IT(सूचना प्रबिधि), कृषि, पशु सम्बन्धि अध्यन गर्न चाहने बिधार्थीहरु छनौट गरी छत्रवृत्तिको व्यवस्था गर्ने |
जट्टा महादेव मुर्ति निर्माण गर्ने |
स्वास्थ्य संस्थामा नियमित जांच गर्ने गर्भवती तथा सुत्केरी महिलाहरुलाई नेपाल सरकारले दिने सामाजिक सुरक्षा बापत दिने सहयोगमा गाउँपालिकाले थप सहयोग गर्ने |
बिद्यालय बाहिर रहेका बालबालिकाहरुलाई बिद्यालय पठाउन अभियान संचालन तथा सहयोग गर्ने |
रोजगार मुलक बर्षको रुपमा कार्यक्रमको व्यवस्था गर्ने योजनाहरु निर्माण गरिएको छ |
६ वटा फुटबल खेलमैदान निर्माण (सबै वडामा )
१ घर १ धारा कार्यक्रम (३ बर्ष भित्र) |
सबै सरकारी कार्यालय र सबै बिद्यालयहरुमा इन्टरनेटको व्यवस्था तथा ICT कक्षा संचालन गर्ने |
आपतकालीन कोष स्थापना गरी तत्काल उद्दार तथा सहयोग गर्ने |
सबै वडामा सार्बजनिक शौचालय निर्माण गर्ने |
बैदेशिक रोजगारीबाट फर्किएका युवाहरुलाई स्थानीय स्तरमै उदम विकास कार्यक्रमको व्यवस्था गरिएको छ |
बाल बिबाह न्यूनीकरणका लागि प्रचार प्रसार कार्यक्रम संचालन गर्ने |
नगर प्रहरी स्थापना |

पाँच सैयाको अस्पतालको निर्माण कार्यमा तिब्रता |

गोकुलगंगा गाउँपालिका वडा नं. ३ रस्नालु स्थित दार्खा भीमसेनथानमा गोकुलगंगा गाउँपालिका र Choice Humanitarian Nepal (dOTERRA Healing Hands Foundation)को संयुक्त लगानीमा निर्माणाधीन पाँच सैयाको अस्पतालको निर्माण कार्य तिब्र रुपमा भईरहेको छ | यस गाउँपालिकाले उपचारका लागि राजधानी नै धाउनु पर्ने स्थितिको अन्त्य गर्दै अबको ६ महिना भित्र यस अस्पतालबाट सेवा प्रदान गर्ने लक्ष्य लिएको छ | जनताले सरल र सुलभ मूल्यमा गाउँमै उपचार गर्न पाउने सुबिधालाई ध्यानमा राख्दै यसको निर्माण कार्य तोकिएको समय भन्दा अगाडीनै सम्पन्न गरी सेवा प्रारम्भ गर्ने लक्ष्य लिएको छ |

“ब्यबसायीक र प्रांगारिक खेति, गोकुलगंगाको समृदि” भन्ने मूल नाराका साथ माटो परिक्षण शिबिर २०७६ समपन्न |

गोकुलगंगा गाउँपालिकाको सबै वडा कार्यालयबाट माटो संकलन गरी गोकुलगंगा गाउँपालिकाको कार्यालयमा माटो परिक्षण प्राबिधिकको सहयोगमा कार्यक्रम सम्पन्न गरियो | कृषिलाई प्रमुख प्राथमिकतामा राख्दै यस गाउँपालिकाले माटोलाई स्वस्थ बनाउदै स्वस्थ बाली उत्पादन गर्दै कृषिमा आत्मनिर्भर बनाउने अभियान अन्तर्गत शिविरको आयोजना गरिएको यस कार्यक्रमले अम्लीय माटो भएको र यसलाई कृषि चुन लगाउदै स्वस्थ बाली उत्पादन गर्ने लक्ष्य लिएको छ |

गोकुलगंगा गाउँपालिकाको आ. व. २०७५/७६ मा सम्पादित कामको प्रभाबकारिता बिषयक सार्बजनिक सुनुवाई कार्यक्रम सम्पन्न |

स्थानीय तहका पदपूर्तिका लागि लोकसेवा आयोगको सूचना !

लोक सेवा आयोगले सबै स्थानीय तहका विभिन्न सेवा समूहका अप्राबिधिक/प्राबिधिक तर्फका पदहरुको खुल्ला तथा समाबेशी प्रतियोगितात्मक लिखित परिक्षाको बिज्ञापन खुलाई सकेको हुँदा ईच्छुक सबैमा यो जानकारी गराइन्छ |

थप जानकारीका लागि

http://gokulgangamun.gov.np/

http://www.psc.gov.np/

नव निर्मित कार्यालय भवन भीमसेनस्थानबाट कामकाज सुरुवात सम्बन्धि सूचना |

देश संघिय संरचनाको दांचामा गईसकेदेखि यस गोकुलगंगा गाउँपालिका कार्यालयको ३ नं. वडा स्थित रस्नालुको पात्लेबाट कामकाजहरु हुदै आएकोमा हाल आफ्नै नव निर्मित कार्यालय भवन वडा नं. ३ स्थित गोकुलगंगा गाउँपालिकाको भीमसेनस्थानबाट सम्पूर्ण कामकाजहरु सुरु भईसकेको जानकारी सम्पूर्ण जनसमुदायमा गराउदछौ |

गोकुलगंगा गाउँपालिका स्तरीय माध्यमिक बिद्यालय राष्ट्रपति रनिंग शिल्ड खेलकुद प्रतियोगिता २०७५ सम्मपन्न |

गोकुलगंगा गाउँपालिका स्तरीय माध्यमिक बिद्यालय राष्ट्रपति कप खेलकुद प्रतियोगिता २०७५ सम्मपन्न भएको छ | सम्पूर्ण बिजेता खेलाडीहरुले गोकुलगंगा गाउँपालिका अध्यक्ष खड्ग बहादुर सुनुवार, वडा नं. १ अध्यक्ष मणि कुमार लामा र वडा नं. ५ अध्यक्ष बलराम खड्काको हातबाट पुरुस्कार ग्रहण गर्दै ज्येष्ठ १४ देखि सुरु भएको खेलकुद प्रतियोगिता ४ दिनको दिन कार्यक्रम भब्य रुपमा सम्पन्न भएको छ | गोकुलगंगा गाउँपालिका अन्तर्गत रहेका ७ वटा मा. बि. हरुको सहभागितामा सम्मपन्न यस प्रतियोगितामा जटटेशवरी मा. बि. चुचुरेले ७ स्वर्ण ५ रजत र ८ काश्य पदक जित्दै प्रथम राष्ट्रपति रनिंग शिल्ड जितेको छ | क्रमश : जनजागृत मा.बि. बेताली ले ७ स्वर्ण ३ रजत र २ काश्य पदक जित्दै दोश्रो र गोकुलगंगा मा.बि. रस्नालुले ६ स्वर्ण ९ रजत र ४ काश्य पदक जित्दै तेश्रो स्थान प्राप्त गरेको छ |

समाचार

Pages